کرکٹ جاری رکھن دا پکا ارادا،پنج ورھیاں بعد کم بیک اُتے تِناں فارمیٹ وچ کھیڈنا وڈی غلطی سی:  محمدعامر …… ٭رویل نیوز٭

لاہور (نمایندا رویل)قومی فاسٹ باؤلر محمد عامر نے ہور 6سال تک کرکٹ کیریئر جاری رکھن دا عزم ظاہر کر دِتا۔ پچھلے کرکٹر عتیق الزمان نُوں انٹرویو وچ اوہناں نے کہیا کہ آن والے کھڈاریاں نُوں کہواں گا کہ ایہو جہی غلطی کدی نہ کرن‘ پہلے اِک یاں دو فارمیٹ وچ کھیڈدیاں ہویاں اپنی جسمانی صحت نُوں چیک کرن‘ ردھم وچ آ جان‘ ہمت ہووے تے فیر تیجے فارمیٹ وچ ایکشن وچ نظر آن‘ پیسر ز نُوں بُہتی احتیاط دی ضرورت ہوندی اے۔ محمد عامر نے کہیا کہ کم بیک اُتے درست فیصلا نہ کرن دی وجھا توں 2 سال بعد اوکڑاں دا شکار ہو گیا‘ 2018 وچ انجریرز وچ سر فہرست سی‘ اپنے آپ نُوں وائٹ بال کرکٹ تک محدود کیتا‘ پرعزم آں کہ ہور 5 توں 6 سال تک کیریئر جاری رکھ سکاں گا۔