حالات خراب ہوئے نیں تے مالی امداد دی درخاست دِتی،لوک ہر گل نُوں غیر سنجیدگی نال لیندے نیں: اداکارا میرا……٭رویل نیوز٭

لاہور (نمایندا رویل) لالی ووڈ سٹار میرا نے کہیا اے کہ مینوں سمجھ نہیں آندی لوک ہر گل نُوں غیر سنجیدگی نال کیوں لیندے نیں‘ میرے حالات ایس نہج اُتے پہنچے نیں تے میں مالی امداد لئی درخاست دِتی اے‘ میں اپنے کیریئر وچ پہلی وار امداد دی درخاست دِتی اے تے مینوں نہیں پتا مینوں کنی مدد مل سکدی اے۔ اِک انٹرویو وچ میرا نے کہیا کہ حالیا کجھ مہینیاں وچ میرا لکھاں رُپئے دا نقصان ہو چکیا اے۔ ساڈی انڈسٹری وچ کئی ایہو جہے لوک نیں جہڑے انتہائی کسمپرسی دی حالت وچ زندگی لنگھان اُتے مجبور نیں پر اوہ اپنی سفید پوشی دا بھرم رکھنا چاہندے نیں۔ اوہناں نے کہیا کہ میرے دبئی وچ وی کجھ پراپرٹی دے معاملات نیں تے حکومت توں مطالبا اے کہ اوہنوں وی حل کروائے۔