یقین اے کہ اج توں ساڈی ترقی دا اِک نواں دور شروع ہو گیا اے: بشریٰ انصاری ……٭رویل نیوز٭

لاہور (نمایندا رویل) سینئر اداکارا بشریٰ انصاری نے کہیا اے کہ پاکستان نُوں بنیا 73 سال ہو چکے نیں پر اسیں دنیا دے ہور ملکاں وانگوں ترقی دے میدان وچ اگے نہیں ودھ سکے۔ پچھلے دن نجی ٹی وی نُوں انٹرویو دیندیاں ہویاں نامور اداکارا بشریٰ انصاری دا کہنا سی کہ ملکی ترقی لئی اِک ایہو جہی لیڈر شپ دا ہونا لازمی اے جو پاکستان نُوں ترقی یافتا ملکاں دی صف وچ سامل کرن دی لگن رکھدی ہووے تے مینوں یقین اے کہ اج توں ساڈی ترقی دا اِک نواں دور شروع ہو گیا اے۔ اوہناں نے کہیا کہ پاکستان بنان لئی ساڈے وڈکیاں نے جو قربانیاں دِتیاں نیں اوہ اج اپنے خون دا حق منگ رہیاں نیں تے ایہ ایسے صورت وچ ممکن اے جدوں اسیں پاکستان نُوں د نیا دے اوہناں ترقی یافتا ملکاں وچ لے جائیاں جہناں دیاں مثالاں دِتیاں جاندیاں نیں۔