کرونا دے وار جاری چھے سو ستر نویں روگی ،چھے جیون دی بازی ہار گئے …… ٭رویل نیوز٭

اسلام آباد (نمایندا رویل) ملک وچ کرونا وایرس دے 670 نویں کیساں دی تصدیق ہوئی اے جد کہ پچھلے 24 گھنٹیاں دے دوران کرونا نال 6 روگی واصل ہوئے۔ نیشنل کمانڈ اینڈ اپریشن سینٹر دے مطابق پچھلے 24 گھنٹیاں وچ پورے ملک وچ کرونا وایرس نال 6 روگی واصل ہوئے نیں جہدے بعد ملک وچ کرونا وایرس نال مجموعی مَوتاں دی گنتی 6 ہزار 168 ہو چکی اے‘ ملک وچ کرونا دے فعال کیساں دی گنتی 16 ہزار 248 اے جد کہ مجموعی کیساں دی گنتی 2 لکھ 88 ہزار 77 ہو چکی اے۔ این سی او سی دے مطابق سندھ وچ کرونا کیساں دی گنتی 1 لکھ 25 ہزار 904‘ پنجاب وچ 95 ہزار 391‘ پختونخوا وچ 35 ہزار 153‘ اسلام آباد وچ 15 ہزار 378‘ بلوچستان وچ 12 ہزار 224‘ گلگت بلتستان وچ 2 ہزار 486 تے ازاد کشمیر وچ 2 ہزار 181 ہو چکی اے۔ این سی او سی دا کہنا اے کہ پچھلے 24 گھنٹیاں وچ پورے ملک وچ 24 ہزار 22 ٹیسٹ کیتے گئے جد کہ پورے ملک دے735 ہسپتالاں وچ کرونا وایرس دے 13سو 8 روگی زیر علاج نیں جہناں ِچوں وینٹی لیٹرز اُتے موجود روگیاں دی گنتی 141 اے۔