kraamaat@gmail.com
+ +92 333-430-6384
نمائندا رویل
August 17, 2020
لاہور (نمایندا رویل) وزیر اطلاعات پنجاب فیاض الحسن چوہان نے کہیا اے کہ مولانا فضل الرحمان نُوں وی چاہیدا اے کہ 2023 تک توبا استغفار کرن۔ پہلے ای کہیا سی ن لیگ تے پیپلز پارٹی مولانا فضل الرحمان نُوں دھوکھا دیوے گی تے مولانا ایس دھوکے دے بعد ”جو درد ملا اپنوں سے ملا‘ گنگناندے پھرن گے۔ اپنے اِک بیان وچ فیاض چوہان نے کہیا کہ اج مولانا دی نون لیگ تے پیپلز پارٹی اُتے تنقید میری پیشن گوئی دا ثبوت اے‘ مولانا فضل الرحمان نُوں وی چاہیدا اے کہ 2023 تک توبا استغفار کرن۔ اوہناں نے کہیا کہ غیر متحدا اپوزیشن دا مقصد صرف اقتدار حاصل کرنا اے‘ آصف زرداری دی نون لیگ تے شہباز شریف اُتے تنقید نال اوہناں دے ایکے دی ہانڈی چوک وچ پاٹ چکی اے‘ عمران خان دی قیادت وچ پاکستان معاشی تے سیاسی طور اُتے مستحکم ہو رہیا اے۔
