سینٹ دی قایما کمیٹی برائے انسانی حقوق دا اجلاس اج  ہووے گاسارنگ جویو دے اغوا تے اقدامات اُتے بریفنگ دِتی جاوے گی ……٭رویل نیوز٭

اسلام آباد (نمایندا رویل) سینٹ دی قایما کمیٹی برائے انسانی حقوق دا اہم اجلاس اج (پیر) نُوں پارلیمنٹ ہاؤس وچ ہووے گا۔ دَسیا گیا اے کہ سینیٹ دی قایما کمیٹی برائے انسانی حقوق نے بلوچستان دے علاقے وچ پیش آن والے افسوسناک واقع اُتے شدید براہمی دا اظہار کیتا اے جد کہ جبری گمشدگیاں تے ماورائے عدالت قتل دے معاملے اُتے وی نوٹس لیا اے۔ اجلاس وچ چیئرمین نیب (ر) جاوید اقبال تے آئی سی سندھ نُوں سدیا گیا اے۔ اجلاس وچ لاپتا بندیاں دے کمیشن دے چیئرمین دی حیثیت نال جاوید اقبال تے آئی جی سندھ توں سارنگ جویو دے اغوا بارے بریفنگ منگی گئی اے۔ جاوید اقبال توں سارینگ جویو دی بازیابی لئی کیتے گئے اقدامات بارے وی بریفنگ منگی جاوے گی۔