لوکائی لئی اواز بلند کردے رہواں گے،  اتحادیاں نال رابطے شروع کر دِتے: مریم نواز ……٭رویل نیوز٭

اسلام آباد (بیورو رپورٹ) پاکستان مسلم لیگ (ن) دے نائب صدر مریم نواز نے پارٹی دے اتحادیاں نال رابطے شروع کر دِتے۔ مرکزی جمعیت اہلحدیث دے آگو پروفیسر ساجد میر دی قیادت وچ وفد نے ملاقات کیتی۔ جاتی امراء وچ ہون والی ملاقات وچ پروفیسر ساجد میر دے نال حافظ عبدالکریم سنے ہور وی موجود سن۔ پروفیسر ساجد میر نے نیب آفس دے باہر مسلم لیگ ن دے کارکناں اُتے پولیس دے مبینا تشدد تے مریم نواز دی گڈی اُتے مبینا حملے دی مذمت کیتی۔ اوہناں دا کہنا سی کہ جاتی امرا آن دا مقصد ایہ پیغام دینا اے کہ جمہوری جدوجہد وچ ہمیشا نال رہواں گے۔ میڈیا نال گلبات وچ ساجد میر نے کہیا کہ مریم نواز دی گڈی اُتے سنائپر دیاں 2 گولیاں دے نشانات نیں۔ دجوے پاسے مریم نواز دا کہنا سی کہ مسلم لیگ (ن) دی سیاست ہمیشا عوامی مسئلیاں دے حل لئی رہی اے‘ لوکائی لئی اواز بلند کردے رہواں گے۔