حضرت بابا فرید الدین گنج شکرؒ دا سالانا عرس شروع،ملک و قوم دی سلامتی واسطے دعاواں ……٭رویل نیوز٭

پاکپتن (خاص نمایندا) برصغیر دے عظیم صوفی بزرگ تے پنجابی زبان دے پہلے شاعر حضرت بابا فریدین الدین مسعود گنج شکر دا 778 واں 12 دنا سالانا عرس شروع ہو گیا اے۔ پہلے دن درگاہ دے سجادا نشین دیوان مودود مسعود چشتی نے کجھ بندیاں دے نال 10 وجے دن رسماں دی ادائیگی کیتی۔ اوہناں دی آمد اُتے شدید آتش بازی دا مظاہرا کیتا گیا۔ قرآن پاک دی تلاوت دے بعد ختم خواجگان پڑھیا گیا تے روایتی تبرکات ونڈے گئے تے ایس موقع اُتے ملک و قوم دی سلامتی‘ کرونا وباء دے خاتمے تے کشمیریاں دی ازادی لئی خصوصی دُعاواں کیتیاں گئیاں۔ کرونا دے کارن رسماں دے دوران عام لوکاں نُوں دربار داخل ہون دی اجازت نہیں سی۔ رسماں دُپہر تک جاری رہیاں۔ دربار اُتے محافل سماء دی اجازت نہیں ہووے گی۔