لوکاں دے سوالاں توں تنگ آ کے یاسر نال شادی کیتی: اقراء عزیز……٭رویل نیوز٭

کراچی (نمایندا رویل) اداکارا اقراء عزیز نے اِک پروگرام وچ انکشاف کیتا اے کہ اوہناں نے لوکاں دے سوالاں توں تنگ آ کے یاسر حسین نال چھیتی شادی کیتی۔ اداکارا اقراء عزیز عفت عمر دے آن لاین شو وچ رلت کیتی جتھے عفت نے اوہناں توں اوہناں دی شادی دے حوالے توں سوال پُچھدیاں ہویاں کہیا کہ شادی دی اینی چھیتی کیہ سی تہانوں؟ جہدے اُتے اقراء عزیز نے کہیا کہ مینوں اصل وچ اوہناں سوالاں توں اعتراض سی جہڑے لوک مینوں تے یاسر نُوں ویکھ کے پُچھدے سن کہ کیہ تُسیں دوویں ڈیٹنگ کر رہے او؟ کیہ تُسیں اِکو نال او یاں نہیں وغیرا۔ اقراء عزیز نے کہیا کہ میں ایہناں ساریاں سوالاں توں چھٹکارا چاہندی سی ایس لئی میں سوچیا ایس توں چنگا اے کہ اسیں ویاہ کر لئیے تے ہمیشا نال رہیے۔