حکمران نواز شریف دے خوف وچ کنبدے رہندے نیں،عمران خان تے صدر آپ اشہتاری نیں: عظمیٰ بخاری……٭رویل نیوز٭

لاہور (نمایندا رویل) مسلم لیگ (ن) پنجاب دی ترجمان عظمیٰ بخاری نے کہیا اے کہ نواز شریف نُوں اشتہاری کہن والے عمران خان تے صدر پاکستان آپ پارلیمنٹ حملا کیس وچ اشتہاری نیں‘ لوکائی نُوں نہ گھبران دا مشورا دین والے نواز شریف دے خوف وچ کنبدے رہندے نیں۔ فیاض چوہان دا پوری فلم وچ رول اِک ”پھبے کٹنی“ دا اے۔ فیاض چوہان نُوں مولانا فضل الرحمان نال اینی ہمدردی کدوں دی ہون لگی؟ فیاض چوہان یقین کر لین تُسیں وزیر اطلاعات او۔ فیاض چوہان ہر بیا ن وچ فلمی گانے شا مل کر کے اپنے غیر سیاسی ہون دا ثبوت نہ دین۔ نیب نُوں ہر طرحاں نال استعمال کرن دے باوجود اسیں اپنی ہر شے دا حساب دے دِتا۔ حساب دین دی واری ہُن عمران تے بزدار دی اے۔