مہوش حیات سوشل میڈیا تے بنجمن فرینکلن دے سوہنے وچار سانجھے کیتے تے چاہیواناں نے خوب سراہیا ……٭رویل نیوز٭

لاہور (نیوز ڈیسک) پاکستان دی خوبصورت تمغا امتیاز یافتا اداکارا مہوش حیات نے اپنے سوشل میڈیا اکاؤنٹ اُتے اِک معنے خیز پیغام شیئر کیتا اے جہنوں اوہناں دے مداحاں ولوں خوب سلاہیا جا رہیا اے۔ مہوش حیات اپنے سوشل میڈیا اُتے کافی متحرک نظر آندے نیں تے آئے دن اپنیاں خوبصورت تصویراں تے خیالات شیئر کردے رہندے نیں جہناں نُوں فنکار برادری سنے اوہناں دے مداحاں ولوں وی خوب پسند کیتا جاندا اے۔ کجھ دیر پہلاں مہوش حیات نے انسٹا گرام اُتے اپنی تصویر شیئر کیتی جہدے کیپشن وچ فکر انگیز پیغام وی لکھیا ہویا سی۔ مہوش نے اپنی تصویر دے نال انگریزی زبان وچ پیغام لکھیا کہ کہاڑی کٹ کے بھُل جاندی اے پر کٹے ہوئے رُکھ نُوں یا درہندا اے۔ ایہ بنجمن فرینکلن دی آکھی گل سی جس نوں مہوش حیات نے اپنی وال تے لایا ہو یا اے