سلمان خان دے قتل دی منصوبا بندی کرن والا گینگ گرفتار ……٭رویل نیوز٭

ممبئی (نیوز ڈیسک) بالی ووڈ دے دبنگ سلمان خان دے قتل دی منصوبا بندی کرن والے گینگ نُوں پولیس نے گرفتار کر لیا اے۔ بھارتی ریاست اتر کھنڈ دے شہر فریدہ آباد دی پولیس نے بدنام زمانا لاؤرینس بشنو گینگ دے رکن نُوں گ رفتار کیتا جہنے کجھ مہینے پہلاں ایس شہر دے رہایشی بندے نُوں قتل کیتا سی‘ تفتیش دوران ملزماں نے انکشاف کیتا کہ ایس قتل دے بعد اوہناں دا گلا ٹارگٹ بالی ووڈ دے اداکار سلمان خان سن جہدی اوہناں نے ریکی وی کر لئی سی۔ پولیس مطابق کجھ دن پہلاں گرفتار ہون والے ایس گینگ نے انکشاف کیتا کہ مقامی راشن سٹور دے مالک نُوں قتل کرن دے بعد اوہ سلمان خان نُوں قتل کرن دی منصوبا بندی کر رہے سن ایس حوالے توں گینگ دے اِک رکن راہول نے سلمان خان دی ریکی کرن لئی ممبئی دا سفر وی کیتا تے باندرا وچ واقع اداکار دے اپارٹمنٹ دی ریکی کیتی تے 2 دن تک اوسے علاقے وچ قیام وی کیتا۔ پولیس نے ایہ وی دَسیا کہ سارے ملزمان شارپ شوٹرز نیں۔