دیس وچ کرونا دے وار اک دن وچ کرونا نال 10 مَوتاں‘630 نویں روگی ……٭رویل نیوز٭

اسلام آباد (نمایندا رویل) ملک وچ عالمی وباء کرونا دے فعال کیساں دی گنتی 11 ہزار 790 رہ گئی اے۔ این سی او سی دے مطابق پچھلے 24 گھنٹیاں وچ کرونا وباء دے 630 نویں کیسز رپورٹ ہوئے جد کہ 10 مَوتاں ہوئیاں جہدے بعد پورے ملک وچ کرونا کیسز دی گنتی 2 لکھ 92 ہزار 588 تک جا پہنچی اے۔ فعال کیسز دی گنتی 11 ہزار 790 اے تے صحتیاب ہون والے روگیاں دی گنتی 2 لکھ 73 ہزار 579 ہو گئی۔ این سی او سی دے مطابق پورے ملک وچ مجموعی مَوتاں دی گنتی 6219 ہو گئی‘ سندھ وچ کرونا روگیاں دی گنتی 1 لکھ 27 ہزار 381‘ دوجے نمبر اُتے پنجاب اے جتھے 95 ہزار 958 روگی نیں‘ ایس ویلے 141 روگی وینٹی لیٹرز اُتے موجود نیں۔