مصباح الحق گلے شکوے نہیں سگوں فیصلے کرن: شعیب اختر ……٭رویل نیوز٭

لاہور (نمایندا رویل) پچھلے قومی فاسٹ باؤلر شعیب اختر دا کہنا اے کہ مصباح الحق گلے شکوے نہیں سگوں فیصلے کرن کیوں کہ جے اوہ ایہناں دی تھاں ہوندے تے اسانی نال اپنیاں غلطیاں نُوں من لیندے۔ قومی ٹی 20 ٹیم دی کمکاری تے زوال بارے مصباح الحق دے حالیا بیان اُتے شعیب اختر نے اپنے ردِ عمل دا اظہا ر کردیاں ہویاں کہیا کہ سچے تے مضبوط لوک شکایتاں کرن دی بجائے فیصلے کردے نیں تے جے اوہ ہیڈ کوچ دی تھاں ہوندے تے اسانی نال اپنی غلطی من کے ایہدی درستگی دی کوشش کردے کیوں جے گھما پھرا کے گلاں کرنا اوہناں دا نہیں سگوں مصباح الحق دا طریقا کار ہو سکدا اے‘ مصباح الحق جے لوکاں دی حمایت چاہندے نیں تے ایس طرحاں دے بیاناں توں گریز کرن۔

www.rvel.org