نیم فوجی“ حکومت نُوں ”قومی حکومت“ وچ بدلن دے آثار نہیں: حافظ حسین احمد۰۰۰۰۰٭رویل نیوز٭

کوئٹہ (نمایندا رویل) جمعیت علماء اسلام دے مرکزی ترجمان تے پچھلے سینیٹر حافظ حسین احمد نے کہیا اے کہ 2018 دیاں چوناں وچ ڈھونگ راہیں جہڑی ”نیم فوجی حکومت“ لوکائی اُتے مسلط کیتی گئی سی‘ دو سال دیاں پے درپے ناکامیاں دے بعد ہُن تبدیلی لیان والیاں قوتاں ”نیم فوجی حکومت“ نُوں نویں ”قومی حکومت“ وچ تبدیل کردیاں ہویاں نظر آندے نیں۔ اوہ اپنی رہایشگاہ اُتے صحافیاں نال گلبات کر رہے سن۔حافظ حسین احمد نے ہور کہیا کہ موجودا ”سیٹ اپ“ نُوں لیان والے ہُن آپ ”اپ سیٹ“ نظر آندے نیں ایس لئی ہُن جامع منصوبا بندی دا اغاز کر دِتا گیا اے تے بدقسمتی نال اِک واری فیر مشہور زمانا نیب راہیں اپوزیشن آگوواں نُوں شکنجے وچ کَسن دا عمل تیز کر دِتا گیا اے۔