لاہور:شاہ جمال دے علاقے وچ لنگر خانے دا افتتاح عثمان بزدار نے کیتا……٭رویل نیوز٭

لاہور (نمایندا رویل) وزیر اعلا پنجاب سردار عثمان بزدار نے لاہور دے علاقے شاہ جمال دے علاقے وچ لنگر خانے دا افتتاح کیتا۔ وزیر اعلا عثمان بزدار نے لنگر خانے دا دورا کیتا تے لنگر خانے دے انتظامات دا جایزا لیا۔ وزیر اعلا عثمان بزدار نے لوکاں دے نال بَہ کے کھانا کھادا تے کھانے دا معیار چیک کیتا۔ وزیر اعلا نے کھانے دے دوران لنگر خانے وچ موجود مزدوراں توں کھانے دے معیار بارے پُچھیا جہدے اُتے مزدوراں نے کھانے دے معیار دی تعریف کیتی۔ وزیر اعلا عثمان بزدار نے لاہور وچ ہور 11 لنگر خانے کھولن دا اعلان کردیاں ہویاں کہیا کہ پناہ گاہواں دے باہر وی نادرا تے غریب بندیاں لئی لنگر خانے کھولن دا اصولی فیصلا کیتا اے۔ لاہور وچ ہور پناہ گاہواں وی قایم کر رہے آں تے لنگر خانے وی بنا رہے آں۔ نادرا لوکاں نُوں کھاون پیون دیاں سہولتاں فراہم کر کے اپنی ذمے داری پور کر رہے آں۔ لنگر خانیاں وچ نادرا بندیاں نُوں معیاری کھانا فراہم کیتا جا رہیا اے۔ لاہور وچ 7 لنگر خانیاں وچ 48 ہزار بندیاں نُوں کھانا فراہم کیتا گیا اے۔ لنگر خانیاں دا دایر اکار پنجاب دے ہور شہراں تک ودھایا جاوے گا۔ پنجاب پناہ گاہ اتھارٹی چھیتی وجود وچ آئے گی۔ وزیراعظم عمران خان دی قیادت وچ فلاحی ریاست دے خاب نُوں حقیقت وچ بدلاں گے۔ نادرا‘ بے آسرا تے غریب لوکاں دا خیال رکھنا بہت وڈی نیکی اے۔ اللہ تعالیٰ وی نیک کم وچ برکت پاندا اے۔ پچھلیاں حکومتاں نے کدی کمزور طبقے دی فلاح لئی کوئی عملی قدم نہیں چُکیا۔ غریب تے بے سہارا بندے معاشرے دی خصوصی توجا دے طلبگار نیں۔ کھانا کھوانا سنت نبویؐ وی اے تے ساڈیاں روایتاں وچ وی شامل اے۔ www.rvel.org