کرونا دے وار ہور تیز، 14 بندے جان دی بازی ہار گئے ۔۔۔٭رویل نیوز٭

اسلام آباد (نیوز ڈیسک) پورے ملک وچ پچھلے 24 گھنٹیاں وچ کرونا دے وار ہور تیز ہو گئے جد کہ 14 بندے جان دی بازی ہار گئے۔ نیشنل کمانڈ اینڈ اپریشن سینٹر ولوں جاری تازا آنکڑیاں دے مطابق پورے ملک وچ پچھلے 24 گھنٹیاں وچ کرونا دے ہور 1167 نویں کیسز رپورٹ ہوئے جہدے بعد پورے ملک وچ ایکٹیو کیساں دی گنتی 13 ہزار 965 ہو گئی اے۔ این سی او سی دے مطابق پورے ملک وچ مجموعی کیسز 3 لکھ 36 ہزار 260 ہو گئے‘ کرونا نال مَوتاں دی مجموعی گنتی 6 ہزار 849 ہو گئی جد کہ صحتیاب ہون والیاں دی گنتی 3 لکھ 15 ہزار 446 ہو گئی اے۔ پچھلے 24 گھنٹیاں وچ 27 ہزار 984 ٹیسٹ کیتے گئے‘ سندھ وچ روگیاں دی گنتی 1 لکھ 46 ہزار 774 ہو گئی‘ پنجاب وچ 104894 تے خیبر پختونخواوچ 39 ہزار 749 کیس ساہمنے آئے نیں۔ اسلام آباد وچ 20 ہزار 243 تے بلوچستان وچ 15 ہزار 977 کرونا دے روگی ساہمنے آئے نیں۔