ملکی معیشت بہتر ہووے گی تے خشحالی آئے گی: پرویز الٰہی……٭رویل خبر٭

لاہور (نیوز ڈیسک) قائم مقام گورنر پنجاب چودھری پرویز الٰہی نال گورنر ہاؤس وچ سینئر ایڈووکیٹ اسد منیر نے ملاقات کیتی۔ ایس موقع اُتے وکلاء برادری نُوں درپیش مسئلیاں دے حوالے توں وچار وٹاندرا کیتا گیا۔ چودھری پرویز الٰہی نے کہیا کہ وکلا معاشرے دا اہم جزو نیں تے انصاف دی فراہمی لئی اپنا رول ادا کر رہے نیں۔ اوہناں نے کہیا کہ ساڈی سیاست دا محور لوکائی نُوں فلاہی بنیادی حقاں دی فراہمی اے‘ سانوں جدوں وی لوکائی نے عزت دِتی ساڈی کوشش ہوندی اے کہ ایس عزت تے اعزاز نُوں ویلے سر لوکائی تک پرتایا جاوے۔ قائم مقام گورنر نے کہیا کہ ملک دی ترقی وچ سبھ نُوں اکٹھا ہو کے اپنا اپنا مثبت رول ادا کرن دی ضرورت اے‘ ملک دی معیشت بہتر ہووے گی تے ملک وچ خشحالی آئے گی۔