کرونا وائرس نال ہور 27 بندے چلانا کر گئے، 979 نویں مثبت کیسز رپورٹ،پابندیاں وچ نرمی……٭رویل خبر٭

اسلا آباد (نیوز ڈیسک) ملک وچ کرونا وائرس نال ہور 27 بندے چلانا کر گئے جد کہ 979 نویں مثبت کیسز رپورٹ ہوئے نیں۔ نیشنل کمانڈ اینڈ اپریشن سینٹر ولوں جاری بیان دے مطابق پچھلے 24 گھنٹیاں دے دوران ملک وچ کرونا دی تشخیص لئی 42 ہزار 62 ٹیسٹ کیتے گئے جہناں وِچوں 979 بندیاں وچ کرونا وائرس دی تصدیق ہوئی۔ ملک وچ ہُن تک کرونا دے مصدقا مثبت کیساں دی گنتی 957`371 ہو گئی اے جہناں وِچوں 903,484 روگی شفا یاب ہو چکے نیں۔ پچھلے دن ایس وباء نے ہور 27 بندیاں دیاں زندگیاں نُوں نِگل لیا۔ ایس طرحاں ملک وچ ہُن تک ایسوباء نال واصل ہون والے بندیاں دی مجموعی گنتی 22 ہزار 281 ہو گئی اے۔ ملک وچ کرونا وائرس دے فعال کیساں دی گنتی وچ کمی آئی تے فعال کیساں دی گنتی 31 ہزار 606 ہو گئی اے۔ دوجے پاسے کرونا کیسز وچ کمی پاروں پابندیاں وچ نرمی دے نوٹیفکیشن وی جاری کر دِتے گئے نیں۔