مہنگائی اُتے وزیراعظم دا بیان‘ عفت عمر دا عمران خان اُتے طنز……٭رویل خبر٭

کراچی (نمایندا رویل) پاکستان دی معروف سینئر اداکارا تے مجمان عفت عمر ولوں وزیراعظم عمران خان دے بیان اُتے طنز کیتا گیا اے۔ موجودا حکومت توں سخت ناراض عفت عمر اکثر اوقات ای سوشل میڈیا اُتے وزیراعظم عمران خان تے اوہناں ولوں اپنائیاں گئیاں پالیسیاں اُتے تنقید تے طنز دے تیر ورہاندے نظر آندے نیں۔ پچھلے دن عفت عمر نے وزیراعظم عمران خان ولوں دِتے گئے اِک بیان نُوں ری ٹوئٹ کردیاں ہویاں طنز کیتا۔ وزیراعظم عمران خان ولوں دِتے گئے بیان کہ اسیں لوکاں نُوں سمجھا نہیں پا رہے کہ مہنگائی دیاں وجھاں کیہ نیں۔ ایس بیان نُوں عفت عمر دا ری ٹویٹ کردیاں ہویاں اپنے کیپشن وچ کہنا سی کہ جویں باقی سمجھا پائے او۔