شیخ رشید مریم نواز شریف بارے زبان سنبھال کے گل کرے،آئی ایس پی آر شیخ رشید دے بیاناں دا نوٹس لوے:  راناثناء اللہ ……٭رویل خبر٭

اسلام آباد (نیوز ڈیسک) پاکستان مسلم لیگ (ن) پنجاب دے صدر رانا ثناء اللہ خان نے ویزر داخلا شیخ رشید دے بیان اُتے رد عمل دیندیاں ہویاں کہیا اے کہ شیخ رشید عمران خان حکومت لئی کھڈا کھود رہیا اے۔ شیخ رشید مریم نواز شریف بارے زبان سنبھال کے گل کرے۔ اوہ پاکستان دیاں فوجاں دے خُدساختا ترجمان بنے ہوئے نیں‘ عمران خان دی حکومت ڈِگان وچ سرفہرست کردار ادا کر رہیا اے۔ خُدساختا ترجماناں نوں روکنا ہووے گا جہڑے اپنے بیاناں نال اداریاں نوں ہور متنازعا بنا رہے نیں۔ شیدا ٹلی فوج دا ناں لے کے اداریاں نوں مسلسل متنازعا تے بدنام کر رہیا اے۔ خُدساختا ترجمان اپنے احمقانا بیاناں نال ادریاں نوں ہور متنازعا بنارہے نیں۔ شیخ رشید فوج دے اداریاں دی تضحیک کر رہے نیں۔ آئی ایس پی آر شیخ رشید دے حالیا بیاناں دا نوٹس لوے۔ ایہ جس حکومت وچ ہوندا اے اوہدے خاتمے دا بندوبست وی آپ ای کردا اے۔