جھُوٹھیاں پریس کانفرنساں نال کھنڈ دا ریٹ نہیں گھٹ سکدا: عظمیٰ بخاری ……٭رویل خبر٭

لاہور (نمایندا رویل) مسلم لیگ (ن) پنجاب دی سیکرٹری اطلاعات عظمیٰ بخاری نے کہیا اے کہ مال مفت تو ں مستفید ہون والیاں وچ جہانگیر ترین‘ خسرو بختیار تے اتحادی سرفہرست نیں‘ 3 ورھیاں وچ شوگر مافیا نے 265 ارب دا قوم دیاں جیباں اُتے ڈاکا ماریا ایہ 265 ارب دا ڈاکا وزیراعظم عمران خان دی اگوائی وچ ماریا گیا۔ اپنے بیان وچ اوہناں نے کہیا کہ حکومتی ترجماناں دیاں جھوٹھیاں پریس کانفرنسز نال کھنڈ دا ریٹ نہیں کنٹرول ہو سکدا۔ پنجاب سرکار نے پہلی نومبر توں کرشنگ دا کہیا سی۔ ہُن ایہ کرشنگ 15 دن لئی ہور ملتوی کیتی گئی اے۔ پاکستانی لوکائی اج حکومت دے غلط تے دیر نال ہون والے فیصلیاں دا خمیازا بھگت رہی اے۔ شوگر مافیا تہاڈے وزیراعظم دے سجے کھبے بیٹھا اے۔