جاگنا چنگا ؟۔۔۔۔٭رویل کہانچی٭

جاگنا چنگا ؟۔۔۔۔٭رویل کہانچی٭

"چُھٹی نوں صرف سونا ای ہوندا چھے دیہاڑاں دی نیندر پوری کرنا میرا مقصد ہوندا اے۔" اوس نے اُٹھدیاں سار ای گھر والیاں نوں جِویں اپنا احسان گنوایا ہووے۔اوہ دُپہراں نوں بڑی اوکھت نال اُٹھیا کیوں جے فلٹرڈ پانی لیانا اوس دی ای مجبوری سی۔

"ابا ساڈے جیون دا کیہ مقصداے؟" اوس دے پُتر نے اوہنوں پُکاریا " ایس سرناویں ہیٹھ مضمون لِکھ کے لیانا اے"

"فلٹرڈ پانی ای لبھ جاوے تاں بڑا وڈا مقصد حاصل کر لیا۔"

"اسیں تاں کولھو اَگے جُتے ڈھگے ای آں بس" پیو دے بولن توں پہلاں ای مُنڈے دا دادا بول پیا۔

٭٭٭٭٭