وفاقی حکومت دا ملک بھر وچ تعلیمی ادارے 5اپریل تیکر بند رکھن دا اعلان ــــــــــــــــــــ رویل نیوز

اسلام آباد(نمائندا رویل)وفاقی حکومت نے ملک بھر وچ تعلیمی ادارے 5اپریل تیکر بند رکھن دا اعلان کردتا،چھٹیاں دے دوران تعلیمی اداریاں وچ پڑھائی دا عمل معطل رہوے گا، سارے سکول، یونیورسٹیاں، کالجز، مدرسے تے نجی تعلیمی ادارے بند رہن گے۔تفصیل دے مطابق وزیر اعظم دی صدارت ہیٹھ قومی سلامتی کمیٹی دے اجلاس وچ چاراں صوبیاں دے وزیر اعلا نے رلت کیتی۔اجلاس وچ دفاع ، خارجا، داخلا تے قانون دے وزیروی رلتی ہوئے۔ وسیلیاں دے مطابق قومی سلامتی کمیٹی دے اجلاس وچ تنوں فوجاں دے سربراہ وی رلتی ہوئے ۔وزیراعظم عمران خان دی صدارت ہیٹھ ہون والے قومی سلامتی کمیٹی دے اجلاس دوران ایران تے افغانستان دے بارڈ سیل کرن دا حکم ناما جاری کیتا گیا۔دوویں بارڈر دو ہفتیاں لئی بند کیتے گئے نیں۔ایس حوالے نال وزارت نے نوٹی فکیشن جاری کر دتا اے۔اجلاس دوران فیصلا کیتا گیا کہ ملک بھر وچ تعلیمی ادارے وی 5اپریل تیکر بند رہن گے۔چھٹیاں دے دوران تعلیمی اداریاں وچ پڑھائی دا عمل معطل رہوے گا، سارے سکول، یونیورسٹیاں، کالجز، مدرسے تے نجی تعلیمی ادارے بند رہن گے۔