نویں کپڑیاں تے جُتی دا لالچ‘ بچی زیادتی دے بعد قتل،9 ورھیاں دی رُخسار پچھلے دیہاڑ لا پتا ہوئی سی‘ ملزم نُوں گرفتار کر لیا گیا۔۔۔۔۔٭رویل نیوز٭

حیدر آباد (نمائندا رویل) نویں کپڑیاں تے جُتی دا لالچ دے کے 9 سالا بچی نُوں مبینا طور اُتے زیادتی دے بعد قتل کرن والا ملزم گرفتار۔ وسیلیاں مطابق حیدر آباد دے علاقے بنگالی پاڑے توں پچھلے دن 9 سالا کمسن بچی رخسار لا پتا ہو گئی سی۔ بچی دے والد دا کہنا سی کہ رخسار دُپہر ویلے ایہ کَہ کے نکلی سی کہ اِک انکل نے سامان دین لئی بلوایا اے۔ اوہدے نال چھوٹا بھرا وی سی جہنوں قاتل نے ایہ کَہ کے گھر واپس گھل دِتا کہ اوہ بھین نُوں سامان دے دیوے گا۔ بچی دے لا پتا ہون اُتے پولیس نے وقوعے توں لے کے بچی دے گھر تک جیو فینسنگ دا عمل شروع کر دِتا تے اِک ملزم نُوں گرفتار کر کے اوہدی نشاندہی اُتے رات گئے آٹو بھان روڈ اُتے واقع اِک پارک توں بچی دی لاش برآمد کر لئی۔