موبائل فون کرونا دا شکار بنا سکدا اے: نویں کھوج ساہمنے آ گئی۔۔۔۔۔٭رویل نیوز٭

کینبرا (نمائندا رویل) موبائل فون وچ ہر طرحاں دے جراثیم موجود ہو سکدے نیں تے ایہناں نُوں اکثر صاف کرنا نویں کرونا وایرس دی منتقلی دا خطرا گھٹ کر سکدا اے۔ میڈیا رپورٹاں مطابق ایہ گل آسٹریلیا وچ ہون والی اِک طبی تحقیق وچ ساہمنے آئی اے۔ ایس تحقیق وچ 56 طبی تحقیقی رپورٹاں دا تجزیا کیتا گیا سی تاں جے جایزا لیا جا سکے کہ موبائل فونز توں کس حد تک بیکٹیریا تے وایرس وغیرا دی آلودگی دا خطرا ہو سکدا اے۔ ایس تحقیق دوران 2006 توں 2019 دے دوران 24 ملکاں وچ تحقیقات کیتی گئی سی تے ایہ کووڈ 19 دی وباء توں پہلے ہوئی سی۔ بونڈ یونیورسٹی دی تحقیق دے نتیجے وچ ثابت ہویا کہ موبائل فونز وچ صرف بیکٹیریا ای نہیں ہوندے سگوں وائرسز تے فنگی سنے ہزاراں جراثیم موجود ہوندے نیں