سُن وے میریا پُترا۔۔۔٭رویل نظم٭

سُن وے میریا پُترا۔۔۔٭رویل نظم٭

ڈاکٹر شہلا نگار

میریا پُترا جان توں پہلاں

گل اِک سُن لے جاندی واری

تیری آئی مینوں آوے

تتی واہ وی لگ نہ جاوے

تیتھوں قربان میں صدقے واری

تیری اُوں دی واج دے اُتے

جاگدی سی راتی ساری

اَج توں میریاں ہاکاں سُن دا

کن نہ دھردا اک وی واری

میں پیکے نوں جانا چھڈیا

مامے جد تینوں گُھوری ماری

اج توں مینوں بولدا رہندا

ہس ہس سہندی ہر ہر واری

تیرے ہاسے رونا ضداں

رَولا پیندا چار دیواری

صدقے دیندی نظراں لاؤندی

انج ای لنگھی جنڈری ساری

اج تے میری کھنگھ وی دُکھدی

جر نا ہوئی اک منجی ماڑی

ڈِھڈ کٹ کٹ بنائی دیواری

تیرے ناویں لائی ساری

مینوں کتھے چھڈ کے چلا؟

کیوں میں ہوئی اینی بھاری؟

سُن وے میریا سوہنیا پُترا

گل تے لگ جا جاندی واری

گل تے لگ جا جاندی واری

٭٭٭٭٭